طريق أنا اخترتها!
لمى عبيد

عبارات ربيت كل حياتي وبسمعها "عنيدة".. "بترديش على حد".. "بس بتعملي يلي براسك

لو كان صح أو غلط".. "بنفعش بس تعملي يلي براسك".

 

هاي من الإشيا يلي حكولي اياها وقررت ما أسمعها وأعمل يلي براسي:

"شغل التدريس على الفاضي الواحد بضل ينحت وما في تقدير للمعلم ولافي دخل منيح من وراها"

"قدمي وشوفي منح دراسية بدل ما تدرسي على حسابك"

"الوحدة ما بنفع تعيش من غير عيلتها بالسعودية، الناس هون غير"

"تحكيش مع ناس بتعرفيهمش الواحد لازم يدير باله"

"الشيعة عندهم شي بعقيدتهم انهم يقتلوا السنيين ليش بدك تروحي تدرسي عندهم ممكن يقتلوك"

"ما لقيتي الا تسافري على جزيرة شوفيلك بلد فيها عالم وناس"

"بنفعش الواحد يضل يسافر طول السنة مرة أو مرتين بتكفي"

"ليش تروحي تنطي من طيارة زي المجانين اذا هيك ما تنطي عن سطوح البيت"

"البحرين بنفعش تروحي عليها لحالك السعوديين هناك ما بتركوكي في حالك"

"مصر مش أمان هلا صار تفجير قبل يومين ما تلاقي مكان تاني تروحي عليه"

"تضلكش تكبي فلوسك في السفر"

"كان ناقشتيني قبل ما تتركي الشغل وتتركي البلد"

"اذا تراجعتي عن قرارك وضليتك بالشغل باجي بخطبك"

"اتحملي الشغل هون كمان شوي وخدي فلوسك بعدين روحي"

"شو بدك تروحي على فلسطين وقديش مفكرة راح يطلعلك فلوس؟"

"فش حد راح يسافر معاك؟ طيب كيف هيك؟"

"بنفعش الواحد يضل نايم الصبح"

"كل يلي قدك متزوجات وفاتحات بيوت وانتي قاعدة بتتهبلي"

"وين بدك تعيشي؟ في مجتمعنا البنت بتضلها عايشة ببيت اهلها لتتزوج"

"زبطي حالك، حطي مكياج، اشتري فستان، سلمي ع الناس"

"اذا ما بتشوفي الناس هلا كمان سنتين بصيروا يطلبوا خواتك وبتضلي انتي"

الحمدلله اني عنيدة وما رديتش على حد، لأنه قراراتي صائبة ام خاطئة كانت فلا أحد غيري يتحمل النتائج، وبفضل أعيش طريق أنا اخترتها بدل ما اعيش طريق غيري اختاره لي.

 

التصويت

أضف تعليق

شروط التعليق

"فلسطين الشباب" تنظر لتعليقاتكم وآرائكم بكل أهمية، وتعتبرها إغناء لموقعنا، ولذلك نتمنى التقيد بشروط التعليق:

- أن يكون التعليق ذا علاقة مباشرة بمضمون المادة الكتابية أو البصرية.
- أن يطرح التعليق رأياً من شأنه أن يفتح باباً للنقاش.
- التقيد بالآداب العامة بأن لا يحتوي التعليق تجريحاً أو شتائم أو قدحاً وذماً.
- أن لا يتضمن التعليق أية إشارات عنصرية أو طائفية أو حزبية.
- أن لا يتعدى عدد الكلمات 200 كلمة كحد أقصى.
- أن لا يحتوي التعليق على أية مادة ترويجية أو دعائية.